Жаңалықтарды Telegram арнамыздан оқыңыз!Кенжекөл-Павлодар тас жолында ірі жол апаты болып, 8 адам зардап шекті.
Жол-көлік оқиғасы кезінде жарақат алғандардың арасында балалар да бар. Облыстық полиция департаментінің хабарлауынша, «JAC» маркалы автобус «ВАЗ» көлігімен соғысып, қатты соққы салдарынан ол «Volkswagen»-ге соқтығысқан. Зардап шеккендер екі жеңіл көліктің жолаушылары. Оларға медициналық көмек көрсетілген. Құқық қорғау органдары апат кезінде автобуста жүргізушіден басқа адам болмағанын айтады.
Аталған дерек бойынша тергеп-тексеру жұмыстары басталды.
Асылбек Данияр
