Ресейде қазақстандық жауынгерлердің сүйегі табылды

Ресейде соғыс жылдарында қаза тапқан қазақстандық жауынгерлердің сүйегі табылды.

Төрегелді Үркербаев, Николай Гуров пен Петр Фоменко – Алматы және Қостанай облысының тумалары. Енді Қорғаныс министрлігінің өкілдері марқұмдардың сүйегін туған жерінде лайықты құрметпен жерлеу үшін туыстарына тапсырады.

Жалпы «Atamnyn Amanaty» қоғамдық бірлестігіне 5 000-нан астам өтініш түскен. Соңғы екі жылда хабар-ошарсыз кеткен 1 130 жауынгердің жерленген орны анықталып, сүйегі табылды. 

Екінші дүниежүзілік соғыстан қайтпай қалған туыстарын, аталарын іздеп жүргендер қоғамдық бірлестікке 8 776 828 4535 телефон нөмірі арқылы хабарласа алады.