Жаңалықтарды Telegram арнамыздан оқыңыз!Жасөспірімдер арасында ауыр атлетикадан Әлем чемпионы атанған Едіге Емберді елге оралды.
11-18 маусым аралығында Мексиканың Леон қаласында өткен бәсекеде отандасымыз 73 келіде бақ сынады. Ел намысын қорғаған Едіге жұлқа көтеруде 134 келіні бағындырып, жалпы есепте топ бастады. Ал серпе көтеруде 172 келіні басынан асырды. Осылайша, қоссайыс қорытындысы бойынша 17 жастағы жерлесіміз 306 келіні көтеріп, Әлем рекордын жаңартты.
Жарысқа әлем бойынша 39 елден 200-ден астам ауыр атлет қатысты.
Едіге Емберді, Жасөспірімдер арасында ауыр атлетикадан әлем чемпионы:
Көтерген зілтемірім өте жеңіл болды. Үздік спортшы атандым, соңғы күні айтты маған оны, қуанып отырмын. Шынымды айтсам түс секілді маған. Өзім әлі сене алмай жүрмін.
Айбек Аманиязов, жаттықтырушы:
Біз үшін бұл үлкен қуаныш, бірінші Әлем чемпионаты. Әлем чемпионы болды шәкіртіміз, рекорд орнатып, қазақтың әнұраны ойнаған кезде басқаша сезім болды.
Алла Гаврина
