Жаңалықтарды Telegram арнамыздан оқыңыз!Оныншы рет өткізілгелі отырған дәстүрлі «Еуразия» кинофестивалі ЮНЕСКО-ның ресми күнтізбесіндегі атаулы мерекелердің біріне енген қазақ режиссері Шәкен Аймановтың 100 жылдығына арналады.
Шара аясында Шәкен Аймановтың үздік туындылары көрсетіліп, «Шәкен Айманов - аңыз адам» деректі фильмінің тұсаукесері өтеді.
Биылғы байқауға қытайлық белгілі режиссер Цзя Жанке, Халық әртісі Асанәлі Әшімов, Германияның жетекші режиссерлерінің бірі - Андреас Дрезен қазылық ететін болады.
«Еуразия-2014» іріктеу комиссиясы байқауға қатысуға өтініш білдірген 200-ге тарта кинокартинаның ішінен 12 үміткерді таңдаған.
Қазақстан намысын режиссер Ермек Шынарбаевтың әйгілі актер Жерар Депардье түскен «Дала дауысы» кинокартинасы қорғайды.
Дәурен ДАРИЯБЕК
