Елде электр энергиясы келесі айдан бастап қымбаттауы мүмкін

Ал электр энергиясы келесі айдан бастап қымбаттауы мүмкін. Тиісті құжат қазір ашық үкімет порталына шығарылған. Оған сай, кейбір стансаларда баға 25 пайызға дейін көтерілмек. Негізі жарық өндіретін елімізде 47 станса бар. Соның 26-сы тарифті қымбаттатпақ. Қалғанында баға сол күйі қалады. Десе де қуат құнының нақты қай өңірде қаншаға өсетіні әзірге айтылмай отыр. Айта кетейін жарық жыл басынан бері онсыз да 9 пайызға қымбаттаған. Ал элетрқуатын тұтыну бір жарым пайызға көбейіп отыр.