Оңтүстік Қазақстан облысының тұрғындары ҚР Конституциясы күніне орай велошеру өткізді (ФОТО)

30 тамыз күні Шымкент қаласының тұрғындары Қазақстан Республикасының Конституциясы күніне орай бұқаралық велошеру өткізді.

Шымкент дендросаябағынан бастау алған шараға 200-ден астам адам қатысты. Оның ішінде қалалық әкімдік, Денешынықтыру және спорт істері жөніндегі басқарма, спорт мектептері мен №2 велоспорт мектебінің өкілдері, сондай-ақ, футболшылар, палуандар, боксшылар және Оңтүстік Қазақстан облысының гимнастшылары бар.

Қашықтығы 7 шақырымнан тұрған  велошерудің мәре сызығы Ордабасы алаңында болды. Барлық қатысушы мәреге жеткенде ҚР Әнұранын шырқады. Одан кейін шараны ұйымдастырушылар  өкілі Рауан Берікұлы Қазақстанның Велоқауымдастығы атынан барлық қазақстандықды мерекемен құттықтады.