Жаңалықтарды Telegram арнамыздан оқыңыз!Алматыда жыл басынан бері жарты миллионнан аса долларды шетелге алып өтпек болғандардың жолы кесілді.
Халықаралық әуежайдан ұсталған күдіктілер жалпы сомасы 550 мың АҚШ доллары мен 27 мыңға жуық еуроны заңсыз шекара асырмақ болған. Осы фактілер бойынша 2 қылмыстық және 20 әкімшілік құқық бұзушылық дерегі тіркелді.
Айта кетейік, Қаржылық мониторинг агенттігі сырт елге шығушылар үшін шетелдік валютадағы қолма-қол ақша 10 мың АҚШ долларынан аспауы керек екенін ескертеді.
Әлібек Әбділов, ҚР Қаржылық мониторинг агенттігінің ресми өкілі:
Қазақстан Республикасы заңнамасының талаптарын бұзғаны үшін әкімшілік және қылмыстық жауапкершілік қарастырылған. Сондай-ақ сот шешімімен көрсетілген ақша мен тауарлар мемлекет пайдасына тәркіленуі мүмкін.
Қуан Нұрақын
