Жаңалықтарды Telegram арнамыздан оқыңыз!Ата заңға енгізілетін өзгерістер қоғамдық талқылау мен сараптауды қажет етеді. Сондықтан да Президентіміз Қазақстан азаматтарына конституциялық өзгерістерге қатысты шешім қабылдау мүмкіндігін беру үшін референдум өткізу туралы ұсыныс көтерген. Бастаманы қоғам бірден қолдап, көп кешікпей референдум өткізу туралы шешім де қабылданды. Бұл азаматтық қоғамды демократияландыруға жасалған тарихи мүмкіндік, дейді сарапшылар.
Еркін Тұқымов, Қазақстанның стратегиялық зерттеулер институтының директоры:Енді біз мүлде басқа саяси-әлеуметтік жағдайға тап боламыз, өйткені ұсынылып отырған реформалар пакеті 33 Конституциялық баптың өзгеруімен байланысты. Бұл біздің Конституциямыздың үштен бір бөлігі. Реформалардың тиімді жүзеге асырылуын қамтамасыз етуге барша тұрғындардың белсенділігі қажет.
