Конституциялық реформа саяси партиялар арасында бәсекелестікті қалыптастырады

Елімізде жүзеге асып жатқан Конституциялық реформа саяси партиялар арасында бәсекелестікті қалыптастырып, азаматтардың ел дамуына атсалысуына үлкен мүмкіндік береді. Әсіресе, жаңа партия құрудағы жеңілдіктер халықтың саяси белсенділігін арттырады.

Қазақстанның қоғамдық даму институтының сарапшысы Бауыржан Серікбаевтың айтуынша, саяси партияны тіркеу үшін қолдаушылардың саны 5 мың адамға қысқаруы оң өзгерістерге әкеледі. Ал партиялар Парламентке өту үшін бұрын 7 пайыз дауыс жинау қажет болса, ол меже қазір 5 пайызға дейін түсті.

Бауыржан Серікбаев, саясаттанушы:

Бұның барлығы алдағы уақытта саяси партияға бірігемін деген азаматтар үшін, жаңа партия құрамын деген азаматтар үшін де жасалып жатқан оң өзгерістер, біздің мемлекетіміз де жаңа партиялардың құрылуына және қазіргі бар партиялардың да жаңаша форматта жұмыс істеуіне алып келетін болады.