Жаңалықтарды Telegram арнамыздан оқыңыз!Алматы қаласының екі тұрғыны бес жанар-жағармай құю станциясын тонаған. Бұл туралы Алматы облыстық Полиция департаменті хабарлады. Тәртіп сақшыларының сөзінше, пышақпен қаруланған екі адам әдейі күзеті жоқ шағын бекеттерді таңдаған. Бейне бақылау камераларын қарап шыққан полицейлер күдіктілердің қара көлікпен жүргенін анықтады. Алайда мемлекеттік нөмір басқа автокөлікке тіркелген болып шықты. Алматылық 34 жастағы такси жүргізушісі мен оның 23 жастағы немере інісі қарақшылық шабуыл жасады деген күдікке ілінді. Ұсталғандардың үстінен Қылмыстық кодекстің қарақшылық бабы бойынша тергеу басталды.
Дастан Танкаков, Іле АПБ Тергеу бөлімінің басшысы:
Қарасай және Алматы қалаларында бірнеше жанар-жағармай бекеттеріне қарақшылық жасағандары анықталған. Аталған азаматтар күзетпен қамауға алынды. Бүгінгі күні сотқа дейінгі тергеп-тексеру жалғасуда.
