Павлодар мұнай-химия зауытының басшылығына қатысты қылмыстық іс қозғалды

Павлодар мұнай-химия зауытының басшылығына қатысты қылмыстық іс қозғалды. Бұл туралы бәсекелестікті қорғау және дамыту агенттігі хабарлады. Агенттіктің Павлодар облысы бойынша департаменті мен өңірлік прокуратура зауытқа тексеріс жүргізген. Нәтижесінде былтыр шикі мұнайды қайта өңдеу бойынша монополиялық жоғары баға белгіленгені анықталды. Сондай-ақ, зауыттың үстем жағдайын теріс пайдалану дерегі тіркелді. 31 Наурызда экономикалық тергеу департаменті осы факті бойынша Павлодар мұнай-химия зауытының басшылығына қатысты сот алды тергеуді бастады.

Саламат Омаш