Жаңалықтарды Telegram арнамыздан оқыңыз!Ел аумағындағы ең нашар жол Батыс Қазақстан облысында. Казталов, Жәнібек және Бөкей Орда аудандарының тұрғындары облыс орталығына бару үшін 14 сағат жол азабын тартады. Бұл бағыттардан көктем-күз айларында көлікпен жүру қиямет-қайым. Сенат депутаты жұрттың сабырын тауысып болған мәселе туралы Премьер-министрге сауал жолдады. Аталған аудандардың орталықпен қатынасын тез арада шешуді 3 жыл бұрын Президент тапсырған. Бірақ, орындалған жоқ. «Казталов-Жәнібек-Ресей» және «Бисен-Өнеге-Сайхын» жолының жалпы ұзындығы - 248 шақырым. Соның тек 3 жылда 55 шақырымы ғана салынған. Құрылыстың баяу жүруіне – толық қаржыландырылмауы, құрылыс материалдарының қымбаттауы және инертті материалдармен қамтуда жүк вагондарының тапшылығы кері әсер етіп отыр.
