Жаңалықтарды Telegram арнамыздан оқыңыз!Әлемде Brent маркалы мұнай бағасы 121 долларға дейін қайта төмендеді. Америкалық сұрып баррелінің де құны 1 пайызға түсіп, 113 долларға саудаланды. Энергетикалық нарықта мұндай жағдайдың қалыптасуына Иранмен келісім жасалып, шикізат ұсынысы көбеюі мүмкін деген болжам себепші.
Ал, Азия нарықтарында керісінше бүгін акциялар арзандады. Бұған Украинадағы әскери жанжал дүниежүзінде инфляцияны күшейтуі мүмкін деген қауіп түрткі болған. Токио биржасында Никкей индексі 1,1 пайыз жоғалтса, Кореяның «Коспиі» 0,66, Гонконгтің «Хан-сені» 0,44 пайызға арзандады. Айта кетсек, бұл индекстер мыңдаған компания акцияларының орташа бағасын көрсетеді.
Арыстан Рысбек
