Жаңалықтарды Telegram арнамыздан оқыңыз!«Ұлылар үндестігі». Алматыда ұлт ұстазы Ахмет Байтұрсынұлының 150 жылдық, кемеңгер жазушы Мұхтар Әуезовтің 125 жылдық мерейтойына орай алқалы жиын өтті. Басқосуға белгілі қоғам қайраткерлері, зиялы қауым өкілдері мен танымал ғалымдар қатысты. Тағылымды шара аясында қос тұлғаға арналған көрме ұйымдастырылып, ғылыми еңбектер таныстырылды. Халықаралық Түркі академиясы қос мерейтойға орай бірнеше кітапты жарыққа шығарды.
Дархан Қыдырәлі, Халықаралық Түркі академиясының президенті:
Ахаң ұйымдастырған қазақ білімпаздарының сьезін жинақ ретінде шығардық және Мұхтар Әуезовтың 125 жылдығына орай заңғар жазушының бүгінге дейін көзден таса боп келген Манас эпосын қайта шығардық. Оны Қырғыстандағы Архив және әдебиет институтының мұрағатынан алып жариялап отырмыз.
Жазира Оразқызы
