Ауғанстан банктеріне салынған санкциялар салдарынан Қазақстанда ұн экспорты төмендеген

Ал Ауғанстан банктеріне салынған санкциялар салдарынан Қазақстанда ұн экспорты төмендеген. Статистика бюросының дерегіне сүйенсек, жалпы елде былтыр 3 млн тоннадан аса ұн өндірілді. Қазақстан оның 1 млн 400 мың тоннасын экспорттады. Өткен жылдармен салыстырғанда экспорт көлемі 17,2%-ке азайған. Бұған дейін сыртқа сатылған ұнның 60% Ауғанстан нарығына тасымалданып келді.

Еске салайық, тәліптер билікке келгеннен кейін Ауғанстан SWIFT жүйесінен ажыратылып, ақша аударымы бұғатталған еді. Сарапшылардың сөзінше, экспорттың төмендеуіне Ауғанстанның тікелей ақша аудару мүмкіндігінен айырылуы себеп.