Жаңалықтарды Telegram арнамыздан оқыңыз!Алматыда Қаңтарда болған жаппай тәртіпсіздіктер кезінде ұрланған қару-жарақ партиясының жасырылған жерін анықтады. Бұл туралы Көліктегі полиция қызметкерлері хабарлады. Күдікті ретінде Алматы әуежайында орын алған тәртіпсіздіктерге қатысы бар деген 23 жастағы Өзбекстан азаматы ұсталды. Оның үйінен екі пышақ пен пневматикалық тапанша табылды. Құқық қорғау органдарының мамандары тағы бір 43 жастағы азаматты құрықтады. Оның пәтерінен 19 дана пневматикалық қару мен патрондар, 10 пышақ, 1 арбалет және 6 оптикалық көздеуіш пен 3 оптикалық құрылғы тәркіленді. Қазір аталған дерекке қатысты қылмыстық іс қозғалып, ұсталғандардың басқа да қылмыстарға қатысы бар жоғы анықталып жатыр.
