Биыл 1 трлн 400 млрд теңгеге 90 жобаны іске асыру жоспарланып отыр

Биыл елде 1 трлн 400 млрд теңгеге 90 жобаны іске асыру жоспарланып отыр. Индустрия және инфрақұрылымдық даму министрлігінің хабарлауынша, өндіріс жанданса, 10 мыңнан аса тұрақты жұмыс орны ашылады. 90 жобаның ішінде тамақ өнеркәсібі, құрылыс, химия, металлургия, мұнай, фармацевтика саласына қатысты жоспар бар. Кәсіпорындардың көбі Ақмола облысы, Қостанай және Жамбыл облысы мен Шымкент, Нұр-Сұлтан қалаларында іске қосылады.