Гидротехникалық құрылыстардың жартысы тозған - депутаттар

Ал депутаттар Төтенше жағдай министрлігінің тасқынға қарсы дайындығына күмән келтіріп отыр. Айтуларынша, гидрологиялық болжам бойынша 200-ден астам елдімекенді су басуы мүмкін. Әсіресе Ақмола, Қарағанды, Қостанай облыстарына қатысты болжам көңіл көншітпейді. Десе де жауапты ведомства ешқандай қауіп жоғын айтып келеді дейді Айжан Ысқақова. Сәйкесінше тасқынға қарсы тиісті деңгейде дайындық жүріп жатқан жоқ дейді ол. Оның үстіне су қоймалары мен дамбы секілді 650-ден астам гидро-техникалық құрылыстардың жартысы әбден тозған. Соның біразы апатты жағдайда деген депутат Үкімет басшысына сауал жолдады.