Рубль тарихи минимумға дейін құлдырап, базалық ставка көтерілді

Ресей рублі бүгін тарихи минимумға дейін құлдырап, доллар мен еуроның қасында 30 пайыздай құн жоғалтқан. АҚШ доллары 113, ал еуро 127 рубльге дейін қымбаттады. Ресей Орталық банкі болса, базалық мөлшерлемені 20 пайызға дейін көтерді. Мұндай өзгерістерге Ресейдің Украинадағы әрекетіне қарсы енгізілген санкциялар ықпал етіп отыр. ЕуроОдақ Ресей Орталық банкінің активтерін бұғаттау туралы шешім қабылдап, Мәскеуді интервенциямен рубльді күшейту мүмкіндігінен айырды. Бұған қоса, Ресейдің бірнеше банкін SWIFT халықаралық төлем жүйесінен ажырату туралы шешім қабылданды. Батыстың бұл қадамынан Ресей банктерінің 70 пайызы зардап шегіп, олардың шетелден валюта аудару операциялары тежелейін деп отыр.

Арай Төлегенқызы