Жаңалықтарды Telegram арнамыздан оқыңыз!Бірлік түбі - береке. Алматы облысы Жамбыл ауданының орталығы -Ұзынағашта Талғар, Қарасай, Жамбыл аудандарының мәдениет күні өтті.
9 жылдан бері жыл сайын өткізілетін бұл шараның негізгі мақсаты - үш ауданның халқы мен өнерпаздарын біріктіріп, жастарға үлгі көрсетіп, рухани тәрбие беру.
Мәдениет күні аясында Үмбетәлі Кәрібаевтың, Мемлекет және қоғам қайраткері Тұрар Рысқұлов пен Ораз Жандосовтың, құлагер ақын Ілияс Жансүгіровтің, қылқалам шебері Әбілхан Қастеевтің, Кеңес одағының батыры Мұсабек Сеңгірбаевтің, балалар әдебиетінің классигі Бердібек Соқпақбаевтың мерейтойларына сәйкес, олардың еңбек жолдары мен үлгі болар өмірі насихатталды.
Серік Мұқанов, Алматы облысы әкімінің орынбасары:
Мәдениет, тілі болмаса елдің келешегі болмайды. Біз міне, осы үш-төрт жылдың ішінде жергілікті ақын-жазушылардың қолтаңбаларын шығару үшін 500 миллоннан артық ақша бөлдік. Мәдени ошақтарын жөндеу үшін 800 миллион биылдың өзінде бөліп отырмыз. Негізгі мақсатымыз - Елбасы айтқандай «Мәңгілік ел». Мәңгілік ел боламын десең, ынтымақ пен берекеңді түзе дейді.Сол береке-бірлікті көрсету үшін үш ауданның басын қосып, жетістіктерін көріп жатырмыз.
Нұрлан НАУРЫЗАЛИЕВ
