Президент Әділет министрін қабылдады

Бұдан соң Президент Әділет министрін қабылдады. Қанат Мусин Мемлекет басшысына министрліктің атқарған жұмыстары мен алдағы басым бағыттар жөнінде баяндады. Биыл 26 заң жобасы әзірленіп, Парламент қарауына енгізіледі деп жоспарлануда. Сондай-ақ Мусин сот актілерінің орындалуына қатысты жағдай мен халыққа заңгер көмегінің берілуі жөнінде есеп берді. Әділет министрінің айтуынша, 122 мыңнан астам азамат кепілдендірілген заң көмегін алған, осы мақсатта 1,8 миллиард теңге бөлінген. Әлеуметтік жағдайы төмен 11 мыңнан астам адам заңгер көмегін тегін алған.