Бас редакторлар клубы бір топ журналистерді марапаттады - «Qazaqstan» Ұлттық телеарнасы

Бас редакторлар клубы бір топ журналистерді марапаттады

25.06.2014
Бас редакторлар клубы бір топ журналистерді марапаттады
Бас редакторлар клубының өкілдері кәсіби мерекесі қарсаңында бір топ журналистерді марапаттады. Бұл ұйым 7 жылдан бері тілшілер қауымының сөзін сөйлеп, сойылын соғып келеді.
 
Шығармашылық еркіндік мәселелерін заң тұрғысынан қамтамасыз етуге атсалысуда. Клубқа 100-ден астам журналист мүше. Олардың бірсыпырасы бүгін марапатқа ие болды.
 
Қоғамдағы өзекті мәселелерді назардан тыс қалдырмай, түйінін тарқатуға септігін тигізген тілшілер мен БАҚ басшыларына ұйымның «Қазақстанның үздік редакторы», «Қазақстанның үздік журналисі» және «Еуразияның алтын қаламы» төсбелгілері табысталды.
 
Әлиcұлтан Құланбай, «Егемен Қазақстан» газетінің шолушысы:
Еліміздің қазіргі жеткен жетістігі ұлтаралық татулық, конфессияаралық бірлік, деп айтуымызға болады. Соны әрі қарай нығайту жолында әлі де болса насихаттауымыз керек.
 
Рауан ДИӘЛИ

Хабарламаларға жазылу