Жаңалықтарды Telegram арнамыздан оқыңыз!Алматы облысында қаңтардағы жаппай тәртіпсіздік кезінде қамауға алынғандарды азаптау дерегі бойынша 37 қылмыстық іс қозғалып тергелуде. Сондай-ақ тергеу және уақытша ұстау изоляторынан 33 адам босатылды. Оның ішінде 8 кәмелетке толмаған бала бар. Жалпы қаңтар оқиғасында 758 адам зардап шекті. Оның 643-і полиция қызметкері, 78-і әскерилер, 37-сі бейбіт тұрғын. 8 ғимарат бүлініп, 68 көлік қиратылды, 7 көлік толығымен өртеніп кетті. Қаңтар оқиғасы бойынша барлығы 384 қылмыстық іс тіркелді. Адам өлтіру дерегі бойынша 5 іс қозғалып, үш іс полиция департаментінің өндірісінде. Облыстық полиция департаменті мен қалалық полиция басқармасы ғимаратынан 512 қару қолды болды.
Руслан Чарапиев, облыстық полиция департаменті тергеу басқармасының бастығы:ҚР ҚК 287 бабына сәйкес, егерде өзінде қазіргі кезде заңсыз сақтаған қаруды сол тұлға бізге өз әрекетімен келіп тапсыратын болса, қылмыстық жауапкершіліктен босатылады.
Қуаныш Қанатұлы
