Қасым-Жомарт Тоқаев Гурбангулы Бердімұхамедовпен телефон арқылы сөйлесті

Қасым-Жомарт Тоқаев Түрікменстан Президенті Гурбангулы Бердімұхамедовпен телефон арқылы сөйлесті. Әңгіме барасында екіжақты қарым-қатынастарды одан әрі нығайту жайы мен Қазақстан Президентінің былтыр Ашхабадқа жасаған мемлекеттік сапары аясында қол жеткізілген уағдаластықтардың іске асырылу барысы талқыланды. Қасым-Жомарт Тоқаев Түрікменстан Президентіне шынайы құрметін білдіре отырып, Гурбангулы Бердімұхамедовтің кезектен тыс президент сайлауын өткізу жөніндегі шешімін қолдайтынын мәлімдеді. Айтуынша, Түрікменстан басшысының саяси әрі өмірлік тәжірибесі мемлекеттің өркендеуіне септігін тигізері сөзсіз.

Досжан Маратұлы