Жамбыл және Алматы облыстарында террорлық қауіптің «қызғылт сары» деңгейі күшін жойды - «Qazaqstan» Ұлттық телеарнасы

Жамбыл және Алматы облыстарында террорлық қауіптің «қызғылт сары» деңгейі күшін жойды

07.02.2022

Жамбыл және Алматы облыстарында террорлық қауіптің «қызғылт сары» деңгейі күшін жойды. Қазір Жамбыл өңіріндегі меншікті тілшіміз Нұрдос Болатұлы бізбен тікелей байланыста.

Нұрдос Болатұлы, тілші:

Терроризмге қарсы күрес жөніндегі республикалық жедел штаб Жамбыл және Алматы облыстарындағы жағдайдың тұрақталғанына байланысты террорлық қауіптіліктің «қызғылт сары» деңгейін бүгін түнгі 00.00-ден кейін доғарылатынын айтты. Күштік құрылымдардың бөлімшелері штаттық жұмыс режиміне көшті. Орталық аталған үш өңірдің барлық тұрғындарына түсіністік танытып, заң талаптарына жауапкершілікпен қарағаны үшін үшін алғыс айтты. Жалпы Жамбыл облысында тәртіпсіздік салдарынан бүлінген ғимараттарды қалпына келтіру жұмыстары қарқынды жүргізілуде. Облыс әкімдігі ғимаратын жөндеу жұмыстары ақпан айының соңында аяқталады. Ал қалған зақым келген нысандар рет-ретімен қайта пайдалануға беріледі. Сонымен қатар, Тараз қаласындағы барлық бейнебақылау камералары іске қосылды. Облыстық полиция департаменті тұрғындарды жол ережелерін және тәртіп бұзбауға шақырады.


Хабарламаларға жазылу