Өткен тәулікте 2549 адам коронавирус жұқтырған

Енді, елдегі эпидахуалға ойыссақ. Солтүстік Қазақстан облысы «жасылдан» «сары» аймаққа өтті. Осылайша, 6 өңір «қызыл» аймақта, 7 өңір «сары аймақта» тұр. Нұр-Сұлтан, Алматы қалалары мен Ақмола, Батыс Қазақстан, Қарағанды, Павлодар облыстарында жағдай күрделі. Ал, Шымкент қаласы мен Алматы, Атырау, Ақтөбе, Шығыс Қазақстан облыстары қауіптің орташа деңгейінде. Әзірге, Түркістан, Қостанай, Жамбыл, Қызылорда және Маңғыстау облыстарында жағдай қалыпты.

Бірақ, індеттің беті әлі қайтар емес. Кеше бір тәуліктің өзінде 2549 адамның вирус жұқтырғаны анықталды. Ал, вирустық инфекция белгілері бар пневмониямен ауырғандар саны күрт өсті. Бір тәулікте 127 адам шалдыққан. Қатерлі аурудан кешеден бері 4 адам қайтыс болды.