Алматы облысында қатерлі ісікке шалдыққандар көбейді

Алматы облысында қатерлі ісік дертіне шалдыққан науқастар саны көбейіп кетті. Былтыр 16 мыңға жуық адам обыр диагнозымен есепке алынған. Бұл алдыңғы жылмен салыстырғанда 23 пайызға көп. Өкініштісі, 1206 адам осы жазылмас сырқаттан көз жұмған. Мамандар індет жасарып келе жатыр деп дабыл қағуда. Науқастардың 12,7 пайызы сүт безінің обырына шалдыққан. Екінші орында асқазанның қатерлі ісігі, үшінші орында өкпе обыры. Дерттің асқынуына жол бермеудің бірден-бір жолы - уақытылы скринингтен өтіп, мүмкіндігінше жылына бір тексеріліп тұру.

Гүлайым Оразбекова, облыстық көпсалалы клиника директорының орынбасары:

Жыл санап төртінші саты артып жатса яғни біз науқастарды бес жылға жетпей айрылып қалып жатқан жағдайларымыз бар. Сондықтан халыққа айтарымыз ертерек келіп қаралу керек. Сізді ерте сатыда анықтасақ сіздің өмір сүру ұзақтығыңыз 15-20 жылға созылып жатады.