Атырау облысында карантиндік шаралар қатаңдатылды

Атырау облысында карантин қатаңдатылды. Көпшілік шараларды өткізуге және көшеде және қоғамдық орындарда 3 адамнан артық топтасып тұруға тыйым салынды. Қазір өңірде эпидахуал күрделі. Індет әсіресе қала аумағында дендеп барады. Себебі ковид жұқтырғандардың жартысынан көбі орталықтан анықталды. Өткен тәулікте 168 адам инфекцияға шалдықты. Бүгінде ауруханаларда 300-ден астам науқас емделіп жатыр. 22-сінің жағдайы ауыр. Сақтық шаралары үшін Теңіз мұнай кен орнында да шектеу шаралары ұзартылды. Алайда, кеніште қазір ахуал біртіндеп тұрақталып келеді. Бүгінде вахталық қалашық аумағында орналасқан стационарда бір ғана жұмысшы емделіп жатыр.