Украинада тәулігіне 100-ден астам адам індеттен көз жұмып жатыр

Украинада соңғы үш күнде коронавирус жұқтырғандардың саны 10 мыңнан асты. Тәулігіне жүзден астам адам індеттен көз жұмып жатыр.  

Қаңтар айының басынан бері елде 5 000 адам ревакцинациядан өткен. Ал, бас-аяғы 10 млн тұрғын екпенің екі дозасын алған. Дейтұрғанмен вакцинаны салдыруы тиіс тағы 10 млн тұрғын бар. Ел үкіметі халықтың осы бөлігін ынталандыру үшін екпенің екі дозасын алған әр азаматқа 1000 гривень, яғни 16 153 теңгеден төлеп жатыр.

Алайда тұрғындар бұл ақшаға тек театр, кино, көрме мен ішкі рейстегі пойыздарға билет сатып ала алады.