Нұр-Сұлтанда оқушылар мен студенттер қашықтан оқиды

Бас қалада короновирус жұқтырғандардың саны бір тәулікте күрт өскен. Соңғы тәулікте 3312 жағдай тіркелді. Бұл туралы бүгін елордалық бас мемлекеттік санитар дәрігері Сархат Бейсенова айтты.

Өсім 2,7 пайыздан асып кетті. Сырқаттанғандардың саны алдыңғы аптадан 8 есе көп. Қала «қызыл» аймаққа өтті. Індеттің өршуіне байланысты мектеп оқушылары қаңтардың 31-іне дейін, ал студенттер ақпанның алтысына дейін қашықтан оқиды.

Сала мамандары «омикрон» жаңа вирусының жеңіл өтуі үшін ревакцинация қажет дейді. Сонымен қатар қаланың «қызыл» аймаққа өтуіне орай, театр, кино театр, концерт зал, филормония, циркі қызметтері тоқтады. Жұма намазы мен басқа да діни шаралар өткізуге тыйым салынды.