Ақмола облысында Халыққа қызмет көрсету орталығының жұмысы жанданды

Ақмола облысында төтенше жағдайды және коменданттық сағатты бұзғаны үшін өткен тәулікте 286 адам ұсталып, 101-і әкімшілік жауапкершілікке тартылды. Бір аптада режим талаптарын ескермеген 1300-ден астам тұрғын анықталды. Өңірде барлық мекемелер, сауда орындары штаттық режимде жұмыс істеп тұр. Бүгін мамандандырылған халыққа қызмет көрсету орталығының да жұмысы жанданды. Қоғамдық көлікте жолақыны электронды төлеу жүйесі де іске қосылды.

Арманбек Баймурзин, Ақмола облысының коменданты:

Біз әлеуметтік желіде жалған ақпарат таратқаны үшін Бурабай ауданының тұрғынына қатысты қылмыстық іс қозғадық. Қазір ол уақытша ұстау изоляторына қамалды. Көкшетау, Степногорск қалаларында, Бурабай ауданында барлығы 13 блокбекет бар. Келіп жатқан көліктер жіті тексеріліп жатыр.