Жаңалықтарды Telegram арнамыздан оқыңыз!Жарты миллиард теңгеге жуық залал. Халыққа қызмет көрсету орталығының бұрынғы маманы көліктерді заңсыз тіркеп, мемлекетке осындай шығын келтірген. Қылмыстық іс Ақмола облысында тіркелді. Көкшетау қалалық халыққа қызмет көрсету орталығының бұрынғы маманы жалған төлем құжаттарын қолданған. Артынша, шет елден жеткізілген көліктерді тіркеген. Қазір тергеу жалғасып жатыр.
Әлібек Әбділов - ҚР қаржылық мониторинг агенттігінің ресми өкілі:
Жалған төлем-есеп айырысу құжаттары арқылы 68 көліктің заңсыз тіркелгені анықталды.Бастапқы тіркеу үшін алым төлемеу түріндегі мемлекетке келтірілген шығын шамамен 449 млн теңгені құрады. ҚР ҚПК 201-бабына сәйкес өзге де ақпарат таратуға жатпайды.
Самал Қабышева
