Президент: «Утильсбор» қайта қаралады

Ескі көлікті жоюға арналған, халық арасында «утильсбор» атанып кеткен алымдар енді болмайды. Президент Өндірушінің кеңейтілген міндеттемелері операторының қызметін тоқтатты. Яғни, енді автомобиль бағасы тұрақталуы мүмкін. Мемлекет басшысы халыққа отандық зауыттарда шыққан көліктер ұсынылуы тиіс екенін айтты. Оның өндірісінде өзіміздің елде шығарылатын материалдарды пайдалану қажет екенін ескертті. Мәселен, бір жылда Қазақстан 4 миллиард теңгеге жуық қаржыны аллюминий секілді материалдардың импортына жұмсайды екен. «Бұндай келеңсіздіктің алдын алу керек», - деді Қасым-Жомарт Тоқаев.