Маңғыстау облысының әкімі Нұрлан Ноғаев үндеу жолдады (толығырақ)

Ақтау қаласындағы Ынтымақ алаңында наразы топ әлі де тұр. Бірақ, заңға қайшы әрекеттер тіркелген жоқ. Бүгін облыс әкімі Нұрлан Ноғаев тұрғындарға арнап, үндеу жариялады. Өңір басшысы білместікпен немесе әр түрлі себептермен осындай шараларға қатысып жүрген азаматтар арандатушылыққа бой алдырмай үйлеріне қайтуларын сұрады. Егер өз еріктерімен тарайтын болса, қолданыстағы заң аясында ешқандай шара қолданылмайтын атап айтты.

Нұрлан Ноғаев, Маңғыстау облысының әкімі:

Қазіргі таңда білместікпен немесе әртүрлі себептермен осцындай шараларға қатысып жүрген азаматтар өз еріктерімен арандатушылыққа ермей үйлеріне қайтулары сұралады. Біз өз тарапымыздан қалыптасқан жағдайды тезірек шешуге және мемлекет басшысының тапсырмаларының аясында тұрақтылықты қамтамасыз етуге, азаматтардың денсаулығы мен өміріне қауіп төндірмеу мәселелеріне ден қоямыз.

Ақтауда қоқыс шығарылмай жатыр

Ақтауда кешеден бері қоқыс шығарылмай жатыр. Салдарынан қалада тұрмыстық қалдықтар тау-тау болып үйіліп қалған. Коммуналдық қызмет басшысының айтуынша, қала маңында тұратын жұмысшылар үйлерінен шығуға қорқып бүгін жұмысқа бармай қалған.