Басты Жаңалықтар Маңғыстау облысында 11 мыңға жуық жеткіншек үйірмелерге тегін қатысуда

Маңғыстау облысында 11 мыңға жуық жеткіншек үйірмелерге тегін қатысуда

29.12.2021 20:00

Маңғыстау облысында спорттық секциялар мен шығармашылық үйірмелер келер жылы да мемлекет тарапынан қаржыландырылады. Ол үшін жергілікті бюджеттен 1 млрд 134 млн теңге қарастырылды. Қазір аймақта аталған бағдарлама аясында 11 мыңға жуық жеткіншек үйірмелерге тегін қатысуда.

Ақтаулық Гүлшара Қибасованың 2 бірдей ұлы боксқа қатысады. Көп балалы ана ай сайын 16 мың теңге төлеп келді. Ал, қазір мемлекеттің қолдауымен балалары сүйікті спортының қыр-сырын тегін үйренуде.

Гүлшара Қибасова, Ақтау қаласының тұрғыны:

Түске дейін бір балам, түстен кейін бір балам келеді. Зал өте таза, жақсы жағдайда. Жақсы жағдайда өткізеді тренировканы. Бұрын ақылшы түрде айына 8 мыңнан төледім. Қазір енді қыркүйек айынан тегін келіп жүр.

Облыста қыркүйек айынан бастап балалар үйірмелерге тегін барып жүр. Бүгінде 5 мыңға жуық жеткіншек спорттық, 6 мыңнан астам бала шығармашылық үйірмелерге қатысады. Биыл аймақта шығармашылық бағыттағы қосымша оқуға - 270 млн теңге, спортқа - 130 млн теңге бөлініп игерілген.

Асылбек Дүйсенов, облыстық дене шынықтыру және спорт басқармасы басшысының орынбасары:

Керемет тиімді бағдарлама.ата-аналар енді енді үйреніп бастап жатыр. Бір сөзбен айтқанда цифровизация ғой. Цифровизацияны көріп естіп, балаларын сол үйірмелерге апарып, қазіргі таңда 5 мыңға бала жуық айналысады бұл үлкен жетістік деп ойлаймын.

Өңірде жан басына шаққандағы қаржыландыру бағдарламасына сұраныс артып келеді. Сол себепті келесі жылы шығармашылық үйірмелерде -7 мың, спорттық секцияларда 8 мыңға жуық баланы қамту жоспарда.

Бөлісу