Жаңалықтарды Telegram арнамыздан оқыңыз!Батыс Қазақстанда ақтүтек боранның салдарынан жол жабылып, электр желісі істен шықты. Жолда қалған 24 көліктен 40 адам құтқарылды. Қаланың бір бөлігі мен 6 аудандағы 19 елдімекен әлі жарықсыз отыр.
Жерасты суын алатын насос істен шығып, шаһардың солтүстік-шығыс, орталық бөлігінің тұрғындары жарты күн сусыз отырды. Бірнеше ғимараттың шатыры ұшып кетті. Коммуналдық мекемелер жол тазалауға үлгере алмай, тұрғындар қолына күрек алып, қар аршуға кірісіп кетті.
