Ғарыштан оралған жапондық миллиардер қазақ даласына қонды

Осыдан бірнеше сағат бұрын қазақ даласына ғарыштан жапондық миллиардер Юсаку Маэзава қонды. Сән саласының магнаты әрі өнер туындыларының коллекционері Жезқазған маңына Ресейдің «Союз» кемесімен табан тіреді.

Ол Халықаралық ғарыш станциясына желтоқсанның 8-інде жерлесі Йозо Хирано және ресейлік космонавт Александр Мисуркинмен аттанған еді.

46 жастағы Маэзаваның ендігі арманы - 2023 жылы Илон Масктің SpaceX компаниясының кемесімен Айды айналып өту. Сол сапар үшін ол қазір қасына сегіз серік іздеп жатыр.

Арыстан Рысбек