Басты Жаңалықтар Астанада Наурыз мейрамына әзірлік басталып кетті

Астанада Наурыз мейрамына әзірлік басталып кетті

17.03.2014 12:38

19-22 наурызда елорданың Алматы ауданында бірқатар мерекелік іс-шара өтеді. Бұл туралы astana.kz сайтына аудан әкімі аппараты хабарлады.

Астанада мерекелік іс-шаралар қазірден бастап өткізіліп жатыр. Мерекеге орайластырылған түрлі концерттер, фестивальдар, конкурстар ұйымдастырылуда.

19 наурызда Күйгенжар кентіндегі №42 орта мектептің жаңа ғимаратының алдында мерекелік серуен ұйымдастырылмақ.

20 наурызда ұлттық мейрам «Интернациональный» тұрғын алабынан басталып, «Тағам» дәмханасының жанында халықтық серуенмен жалғасады.

Ал «Железнодорожный» тұрғын алабының орталық алаңындағы халықтық серуен 21 наурызда өтсе, 22 наурызда «Студенттік» паркте халықтық серуен басталып, онда аудан тұрғындарына ұлттық тағамдар, Наурыз көже және ыстық бауырсақ ұсынылады.

Сонымен қатар, ұлттық спорт түрлерінен жарыс ұйымдастырылады.

Бөлісу