Алматыда сыртқы істер саласының қызметкерлері марапатталды

Алматыда Сыртқы істер министрлігінің ұйымдастыруымен салтанатты жиын өтті. Шара Тәуелсіздіктің 30 жылдығына орай ұйымдастырылды. Мерейтой қарсаңында өткен жиынға Қазақстан дипломатия қызметінің ардагерлері, Алматы қаласында тіркелген дипломатиялық өкілдіктердің және халықаралық ұйымдардың басшылары қатысты. Салтанатты шарада Сыртқы істер министрлігінің қызметкерлері мен осы салаға еңбегі сіңген бір топ ардагерге мемлекеттік наградалар мен алғыс хаттар табысталды.

Тілеухан Қабдырахманов, дипломатия ардагері:

Осы 30 жылда Қазақстанның экономикасы дамып, саяси үлкен мәселелер шешіліп, халықтың әлеуметтік жағдайлары жақсарып, үлкен межеге жетіп, үлкен белеске шықтық.