Жаңалықтарды Telegram арнамыздан оқыңыз!АҚШ-та коронавирустың «Омикрон» штамын жұқтырғандардың көпшілігі - толық вакциналанғандар. Және де олардың үштен бірі – үшінші екпе салдырғандар. Мұны Құрама Штаттардың Ауруларды бақылау және алдын алу орталығы мәлімдеді. Оның дерегінше, Америкада ковидтің жаңа түрі 43 адамнан анықталған. Солардың 20-сы бұрын вакцинаның екі компонентін, 14-і үшеуін салдырған.
«Омикрон» алғаш рет қарашаның соңында Оңтүстік Африка мен Гонконгтан табылды. Содан бері ол АҚШ-тың 22 штатына тарап үлгерген.
Осы аптада жарияланған лабораториялық зерттеулерге жүгінсек, «Омикрон» Pfizer вакцинасының екі компонентінің қорғаныс күшін әлсіреткенімен, сол қорғаныс үшінші дозамен қалпына келтірілуі мүмкін.
Айта кетсек, АҚШ-та күшейтуші немесе бустерлік екпені 16 жастағылар мен одан асқандарға егуге рұқсат беріліп отыр.
Арыстан Рысбек
