Сенат Төрағасы Мәулен Әшімбаев «Qazaqstan» Ұлттық телеарнасына арнайы сұхбат берді

Сенат Төрағасы Мәулен Әшімбаев Тәуелсіздіктің 30 жылдығы қарсаңында «Qazaqstan» Ұлттық телеарнасына арнайы сұхбат берді.

Cұхбатта елдің 30 жылда қол жеткізген жетістіктерінің стратегиялық маңызы, әлемдік проблемаларды шешу жолындағы Қазақстанның үлесі мен бітімгершілік миссиясы, шекараны бекіту, мәдениет пен тарихты зерттеу жұмыстарының қалай жүргізілгені туралы айтылады.

Сенат Төрағасы одан бөлек Арал трагедиясы, Қазақстанның азық-түлік қауіпсіздігі, шағын және орта бизнесті дамыту, ауыл әкімдерінің сайлауы, этносаралық қатынастарға қатысты сауалдарға жауап берді.