«Qazaqstan» телеарнасы Тәуелсіздік мерекесіне орай «№9» деректі фильмін ұсынады

Фильм жер көлемі жөнінен әлемде 9-орын алатын Қазақстан шекарасы туралы. Туындыда саясаткерлер мен қоғам қайраткерлері көршілес елдермен шекара қалай бекітілгені туралы айтады. Шекара мәселесін түбегейлі шегендеу жұмысы қалай іске асқанын сараптайды.

Сонымен қатар деректі фильмде Нұрсұлтан Назарбаев жүргізген тарихи келіссөздер мен шекараны бекітудің нәтижесі қамтылған.

«№9» жобасы - қазақ тілінде жасалған алғашқы зерттеу материалы. Фильмде қолданылған деректер көрерменге түсінікті болуы үшін графикалық көріністер де қолданылған.

Деректі фильм «Qazaqstan» телеарнасынан 16 желтоқсан күні сағат 16:35-те көрсетіледі.