«Елбасы аманаты: Елдіктің жеті тұғыры» атты дөңгелек үстел өтті

«Nur Otan» партиясы саяси кеңесінің отырысында Елбасы «Мемлекеттіліктің жеті тұғырын» айқындап берді. Ал бүгін тарихшылар мен әлеуметтанушылар, экономист, саясаттанушы, өнертанушы мамандар Елбасы өсиетін талдау мақсатында сараптамалық талқылау өткізді. «Елбасы аманаты: Елдіктің жеті тұғыры» деген атаумен ұйымдастырылған дөңгелек үстелге баяндамашылардан бөлек, еліміздің 12 жоғары оқу орындары онлайн қатысты. Жиында «Тәуелсіздік құндылығы», «Бірлік пен келісім», «Ата-баба мұрасы», «Отбасы мен дәстүр», «Ұлттық мәдениет», «Білім мен еңбек», «Прагматизм - бәсекеге қабілеттілік» тақырыптары тереңнен талқыланды.

Рауан Кенжеханұлы, «Ұлттық аударма бюросы» қоғамдық қорының атқарушы директоры:

Қазір прагматизм деп қазақ тілінде жоқ ұғымды енгізіп жатырмыз. Сонымен қатар, проджект менеджмент (жобалық басқару) деген дүние де еніп жатыр. Оның ар жағында тұрған өте қарапайым нәрсе - әр адамның өмірі де жоба. Әр адамның өмірін жоба ретінде басқарып үйрену керек.