Мектептерде мерекелік шаралар өтпейді

Коронавирустың жаңа штаммына байланысты мектеп оқушыларын қашықтан оқыту мәселесі әзірге қарастырылмады. Себебі, қандай да бір қорытынды шығару үшін мәлімет жеткіліксіз. Біз ведомствоаралық комиссияның шешіміне қарай жұмыс істейміз,-деді сала министрі. Мұнымен қоса, Асхат Аймағамбетов мектептерде жаңа жылдық кештердің өткізілмейтінін айтты. Бұған қатысты арнайы қаулы бар. Ал, егер сынып ішілік шаралар болса, онда бұл білім беру мекемесі деңгейінде реттеледі.

Асхат Аймағамбетов, ҚР Білім және ғылым министрі:

Бас санитардың шешімі бар. Сол шешімге біз бағынамыз. Сондықтан әр түрлі бұқаралық іс шаралар мектептерде өткізілмейді. Оларға тыйым салды.