«EXPO-2020 Дубай» дүниежүзілік көрмесінде Қазақстанның ұлттық күні аталып өтті

«EXPO-2020 Дубай» дүниежүзілік көрмесінде Қазақстанның ұлттық күні аталып өтті.

Нұргүл Ахметова, тілші:

Қазақстанның Ұлттық күні EXPO-ны тамашалауға келген миллиондаған көрермен үшін ерекше әсер қалдырды. EXPO-ның орталық алаңында еліміздің көк байрағы көкке көтерілді. Осы салтанатты шарада көрменің бас комиссары Нахайян бин Мүбәрак әл Нахайян мырза Қазақ елінің жаһандық дамуға қосқан үлесін, «жасыл» экономика, баламалы энергия көздерін дамыту, өнеркәсіптің дамуын озық технологияға бұрудағы жетістіктерін атап өтті. Ресми шарадан соң инвестициялық форум өтіп, бірнеше панелдік сессиялар ұйымдастырылды. Форум нәтижесі бойынша «Самұрық Қазына» мен араб егемен қоры энергитика инфрақұрылымын жаңарту бойынша меморандумды бекітті. Келісім бойынша желден және күннен қуат алатын, сонымен қатар газэлектростанциясы салынбақ. Жалпы, арабтар ел экономикасына 6 млрд доллар көлемінде қаржы құймақ.