Жаңалықтарды Telegram арнамыздан оқыңыз!АҚШ президенті Джо Байден коронавирустың жаңа түрі «омикронның» байбалам салуға себеп болмауы тиіс деп мәлімдеді. Сонымен қатар, Ақ үй басшысының сөзінше, америкалықтар вакцина салдырып, маска тағып жүрсе болғаны. Осы штамм үшін елде карантин жариялаудың қажеті жоқ дейді.
Әйсте де Байден жер шарының бірталай елінен табылған «омикронның» Құрама Штаттарға жететінін де ескертіп, ол үшін алаңдайтынын атап өтті. Соңғы мәліметке қарағанда, вирустың бұл түрі Канадада да анықталған. Бұдан кейін Вашингтон Африканың 8 елімен әуе сапарларын тоқтатты.
