Жаңалықтарды Telegram арнамыздан оқыңыз!Еуропа Қауіпсіздік пен Ынтымақтастық Ұйымы Қырғызстанда өткен парламенттік сайлауда бәсекелестік болғанын және оның нәтижелерін мойындайтынын мәлімдеді. Өйткені азаматтарға саяси таңдау жасауға кең мүмкіндік беріліп, сайлаудың техникалық қырлары әкімшілік тарапынан тиімді ойластырылған. Мұны ұйымның арнайы үйлестірушісі Джуэль Йенсен Бішкекте өткен баспасөз маслихатында мәлімдеді.
Айта кетсек, дүйсенбі күні қырғыз оппозициясы митинг ұйымдастырып, сайлау қорытындысымен келіспейтінін мәлімдеді. Олардың айтуынша, электрондық жүйе істен шыққан соң бірнеше партия дауыс жоғалтып, Жоғарғы кеңеске өте алмай қалған. Орталық сайлау комиссиясы аздап техникалық ақау туындағаннан кейін бюллетендерді қолымен санағанын алға тартып отыр.
