Ресейде жасөспірімдерге арналған коронавирусқа қарсы вакцина тіркелді

Ресейде жасөспірімдерге арналған коронавирусқа қарсы вакцина ресми түрде тіркелді. Препарат 12-17 жастағыларға салынады. Гамалея атындағы ұлттық зерттеу орталығы шығарған «Спутник М» екпесі ересектерге арналған «Спутник-V» вакцинасының жеңіл түрі. Оның құрамындағы белсенді заттардың концентрациясы 5 есе аз. «Үш кезеңдік сынақтан өткізілген COVID-19-ға қарсы вакцина жаңа штамдарға қарсы тұра алады»,- дейді мамандар. Жасөспірімдерге екпе ерікті түрде және ата-анасының немесе заңды өкілінің жазбаша келісімімен ғана жасалады.

Александр Арутюнов, дәрігер:

Бұл бәріне жаппай екпе салынады деген сөз емес. Міндетті түрде вакциналаудың алдында жасөспірімнің денсаулығы мұқият тексеріледі, созылмалы ауруы барларға салынбайды. Сонымен қатар анти денелері жеткілікті болса, екпе кейінге шегеріледі.