Қырғызстан мен Тәжікстанға өтеусіз әскери-техникалық көмек көрсетіледі

Қырғызстан мен Тәжікстанға өтеусіз әскери-техникалық көмек көрсетіледі. Бүгін Сенат тиісті заң жобасын мақұлдады. Әскери мүліктер негізінен кеңес заманынан қалған. Оқ-дәрі күйінде беріледі. Бұл қадам еліміздің қарулы күштеріндегі қамтылу нормативінен артық болғандықтан жасалып отыр. Айта кету керек, бұған дейін Тәжікстанға 2 млрд 600 млн теңгеден аса көмек көрсетілген. Жалпы, әскери-техникалар бір ғана талаппен беріледі. Үшінші тарапқа өткізуге болмайды. Ол ұжымдық қауіпсіздік шарты ұйымымен бақыланады. Егер келісім бұзылса арнайы шара қабылданады.

Руслан Шпекбаев, ҚР Қорғаныс министрінің орынбасары:

Келісім бұзылған жағдайда сыртқы істер министрлігі тиісті шара қабылдайды. Мәселе көмек көрсетуде шектеу, елшіні шақырту, наразылық нотасы.