Испания: Металлургтер шеруі полициямен қақтығысқа ұласты

Испанияның оңтүстігіндегі Кадис қаласында ереуілге шыққан металлургтер полициямен қақтығысты. Ондаған мың адам жалақыны көтеруді талап етіп, бірнеше күннен бері жұмысқа шықпай отыр. Шерушілер қоқыс жәшіктерін өртеп, тәртіп сақшыларына тас атты.

Айта кетейік, Испанияда инфляция соңғы отыз жылдағы ең жоғары деңгейге жетті. Сондықтан кәсіподақтар еңбекақыны сол қымбатшылыққа сәйкес көтеруді талап етіп жатыр. Алайда компания басшылығы айлықты келесі жылы 2,5, ал 2023-те 3 пайызға ғана жоғарылатуға келіскен.

Арыстан Рысбек